Katy Perry er búin að vera mikið í fréttunum síðustu daga eftir að hún og fyrrum ástmaður hennar, leikarinn Orlando Bloom, hættu saman. Katy tjáði sig um sambandsslitin á Twitter í gærkvöldi og sagði að það væri ekkert nema ást á milli hennar og Orlando.
Hvað segið þið um nýjar leiðir til að hugsa 2017. Þið getið ennþá verið vinir og elskað fyrrum maka! Enginn er fórnarlamb eða illmenni, fáið ykkur líf öllsömul!
skrifaði Katy á Twitter.
HOW BOUT A NEW WAY OF THINKING FOR 2017⁉️U can still b friends & love ur former partners! No one’s a victim or a villain, get a life y’all!😘
— KATY PERRY (@katyperry) March 2, 2017
Katy og Orlando mættu saman á Óskarsverðlaunahátíðina sunnudagskvöldið. Nokkrum dögum síðar gáfu þau út yfirlýsingu þar sem þau tilkynntu sambandsslitin eftir næstum eins árs samband. Heimildamaður E! News sagði að þó svo að sambandsslitin væru óhjákvæmileg þá „elska þau bæði hvort annað mjög mikið“ og það væri möguleiki að „þau myndu byrja aftur saman eftir smá hlé.“
Katy Perry ákvað að fríska aðeins upp á útlitið í kjölfar sambandsslitanna og breytti hárinu – bara fyrir sig sjálfa! Hárgreiðslan er flott og Katy lítur stórglæsilega út.
Mörgum finnst nýja klipping Katy líkjast klippingu Miley Cyrus en Katy sagðist hafa fengið innblástur frá Michelle Williams sem leikur í Manchester By the Sea.
Miley Cyrus og Michelle Williams
Hvernig lýst þér á nýju klippinguna hennar Katy Perry?
