„Gott veður, gott hótel, fótbolti og góð stemning þannig að það er erfitt að finna eitthvað til þess að kvarta yfir,“ sagði Rúnar Már Sigurjónsson, leikmaður íslenska landsliðsins á æfingu liðsins í morgun.

Ísland mætir Tyrklandi í afar mikilvægum leik á föstudaginn næstkomandi en Ísland er sem stendur í öðru sæti I-riðils með 16 stig, jafn mörg stig og Króatar sem eru með betri markatölu.

„Ég er ekki mikið í golfi, aðalega því ég er ekki góður í golfi en ég kíkti aðeins á ströndina í dag og svo er maður bara að fókusera á það að vera ferskur á æfingunum.“

„Mér líst mjög vel þetta verkefni. Aðstæðurnar eru mjög góðar hérna og að spila fótbolta hérna með fullan full er draumur hvers fótboltamanns. Það er fátt sem toppar Tyrklandi þegar kemur að leikjum og stemningu.“

Viðtalið í heild sinni má sjá hér fyrir ofan og neðan.