Anton Ari Einarsson var að vonum kátur í kvöld eftir að Valur fagnaði sigri í Pepsi-deild karla þetta árið.

,,Það er ekki hægt að setja það í orð hversu gaman þetta er. Ólýsanlegt,“ sagði Anton Ari.

,,Heilt yfir er ég mjög sáttur. Það er alltaf eitthvað sem er hægt að bæta og breyta en heilt yfir mjög gott. Allir fyrir framan mig hafa verið frábærir.“

,,Það væri sanngjarnt að segja að þetta tímabil hafi bætt leik minn mikið. Það munar um að hafa traustið frá byrjun. Þú veist að þú ert að fara vera í markinu.“

,,Nei nei, það eru ekki einu mistökin! Það eru einhver fleiri en það þýðir ekkert að hengja haus,“ svaraði Anton spurður út í „einu“ mistök sumarsins í Grindavík.