Halldór Smári Sigurðsson, leikmaður Víkings R, var afar sáttur í kvöld eftir 2-1 sigur liðsins á Fjölni. Víkingar lentu 1-0 undir en nældu á endanum í 2-1 sigur.
,,Ég er búinn að bíða ansi lengi eftir því að vinna og þetta er góð tilfinning,“ sagði Halldór.
,,Þetta er okkar saga, við erum þéttir en svo þarf ekki nema eitthvað smá til að við fáum okkur mark, algjört skítamark.“
,,Við töluðum saman í hálfleik og komum til baka, við breyttum ekki neinu en vorum góðir í seinni hálfleik.“
