„Ég var nokkuð ánægður með þennan leik í sjálfu sér,“ sagði Heimir Guðjónsson, þjálfari FH eftir 1-0 sigur Vals á FH í Meistarakeppni KSÍ í kvöld.

Það var Haukur Páll Sigurðsson, fyrirliði Vals sem skoraði eina mark leiksins í fyrri hálfleik og loaktölur því 1-0 fyrir Valsmenn.

„Spilið út á vellinum var gott og við létum boltann ganga ágætlega. Það sem vantaði í dag var betri ákvarðanatöku á síðasta þriðjungnum og betri hreyfingu á menn en við fengum samt ágætist færi en nýttum þau ekki.“

„Það vantaði aðeins þessa síðustu sendingu og þegar að við áttum möguleika á að fara út á vængina þá vorum við að færa boltann inn á miðjuna og reyna troða okkur þar í gegn.“

„Kassim nær vonandi fjórða leik en Davíð ætti að gera byrjað að æfa á fimmtudaginn. Við erum alltaf að leita að miðverði en það er ekkert komið ennþá, við höfum tíma þótt hann sé að verða minni og minni og við viljum vanda til verksins.“

Viðtalið í heild sinni má sjá hér fyrir ofan og neðan.