Tony Henry, yfirmaður félagaskipta hjá West Ham hefur verið sendur í tímabundið leyfi.
Henry lét hafa það eftir sér að hann vildi ekki fá leikmenn frá Afríku til West Ham þar sem að þeir væru þekktir fyrir að vera með mikið vesen.
Mail heyrði í Henry til þess að fá þetta á hreint og þá sagði hann orðrétt að leikmenn frá Afríku væri með slæmt viðhorf að þeir væri með vesen ef þeir væru ekki valdir í liðið.
West Ham hefur nú vísað honum frá störfum, í bili í það minnsta en það má fastlega reikna með því að hann verði rekinn á næstu dögum.
Margir leikmenn West Ham eru frá Afríku, þar á meðal Cheikhou Kouyate sem lét í sér heyra á Instagram eftir ummæli Henry.
