Húsfyllir af skvísum á kvennakvöldi Stjörnunnar í Garðabæ
Gleðin skein úr hverju andliti á fjáröflunarkvöldi sem kvennadeild Stjörnunnar stóð fyrir laugardaginn 21. október.
Tilgangurinn var að styðja við handboltalið kvenna í Stjörnunni. Meðal annars var haldið glæsilegt happadrætti, málverk voru boðin upp og veigarnar flutu á barnum. Hinn ástsæli söngvari Friðrik Dór mætti til að gleðja dömurnar og var það mál kvennanna að honum hefði tekist vel upp, enda sjarmatröll mikið. Veislustjóri var Edda Sif Pálsdóttir, íþróttafréttakona ríkissjónvarpssins, en aðföng voru reidd fram af veisluþjónustunni Garra. Eins og sjá má á meðfylgjandi myndum sem ljósmyndari Birtu tók á kvöldinu létu konur ekki kynslóðabilið stoppa sig í stuðinu enda Stjörnukonur inn að beini.
