Viktor Gyökeres, framherji Arsenal, er sagður hafa tekið saman á ný með kærustu sinni, leikkonunni Inês Aguiar.

Parið sleit sambandinu síðasta sumar þegar Gyökeres var á leið í stór félagaskipti fyrir um 64 milljónir punda. Samkvæmt portúgölskum miðlum vildi sænski landsliðsmaðurinn ekki hafa neitt sem tengdi hann við Portúgal á meðan félagaskiptin stóðu yfir.

Sambandsslitin áttu sér stað á erfiðum tíma fyrir Gyökeres, sem lenti í deilu við Sporting CP þegar hann mætti ekki á undirbúningstímabilið í tilraun til að knýja fram félagaskipti.

Nú virðist þó sem parið hafi fundið hvort annað á ný. Þau sáust nýverið saman á veitingastað í Lissabon og Aguiar hafði áður gefið vísbendingar um endurkomu sambandsins með því að birta myndskeið af sér á leik Arsenal í bikarkeppninni.

Gyökeres virðist því hafa fundið jafnvægi bæði innan og utan vallar.