Bayern Munich hyggst ræða við Harry Kane um nýjan samning eftir tímabilið, samkvæmt staðfestingu frá Karl-Heinz Rummenigge.

Kane er samningsbundinn Bayern til ársins 2027, en félagið vill nú tryggja framtíð enska framherjans enn frekar. Rummenigge segir að Kane hafi þegar gefið skýr merki um að hann vilji vera áfram í München.

„Það er vel þekkt að hann var með ákvæði í samningi sínum sem hann nýtti ekki. Það sýnir að hann vill vera áfram hjá Bayern,“ sagði Rummenigge.

Hann bætti við að markmið félagsins væri skýrt, að framlengja samning hans.

Rummenigge hrósaði einnig Kane fyrir þróun hans undir stjórn Vincent Kompany og sagði hann hafa breyst úr markaskorara í fjölhæfari sóknarmann sem taki meiri þátt í uppspili.

„Hann er orðinn leikstjórnandi líka og notar sendingagetu sína til að koma samherjum eins og Michael Olise og Luis Diaz í færi,“ sagði hann.

Bayern virðist því staðráðið í að byggja framtíð sína áfram í kringum Kane.