Taylor Harwood-Bellis hefur sagt frá sambandi sínu við verðandi tengdaföður sinn, Roy Keane, fyrir brúðkaup þeirra í sumar.

Harwood-Bellis, sem leikur með Southampton, hefur verið í sambandi með dóttur Keane, Leah, síðan 2019 og parið trúlofaði sig árið 2024. Þau eignuðust dóttur, Iris, í desember 2025.

Keane er þekktur harðhaus og lítið fyrir að hrósa fólki fyrir það eitt að vinna vinnuna sína.

Varnarmaðurinn segir Keane hafa haft jákvæð áhrif á feril sinn og gefið sér góð ráð. „Hann er einn af þeim, fyrir utan fjölskylduna mína, sem ég veit að vill mér aðeins það besta,“ sagði Harwood-Bellis.

Hann bætti við að Keane sýni stuðning sinn en sé ekki maður sem hrósar mikið. „Hann segir ekki oft ‘vel gert’ nema ég hafi gert eitthvað sérstakt,“ sagði hann og grínaðist með að slíkt gæti gerst ef Southampton myndi vinna Manchester City.

Southampton mætir einmitt City í undanúrslitum bikarkeppninnar um helgina þar sem liðið vonast til að koma á óvart. Harwood-Bellis virðist njóta góðs af leiðsögn goðsagnarinnar.