Chelsea hefur ákveðið að reka Liam Rosenior eftir fjóra mánuði í starfi samkvæmt helstu miðlum.
Chelsea hefur tapað fimm leikjum í röð í ensku úrvalsdeildinni án þess að skora mark. Það reyndist fullmikið fyrir Rosenior til að halda starfi.
Rosenior baunaði á leikmenn sína fyrir framlag sitt í 3-0 tapi gegn Brighton í gær. Nú er ljóst að hann mun ekki stýra liðinu í undanúrslitum enska bikarsins gegn Leeds á sunnudag.
Rosenior tók við Chelsea af Enzo Maresca í byrjun árs. Callum McFarlane, sem var aðstoðarmaður hans, tekur við til bráðabirgða út leiktíðina.
Chelsea er sjö stigum frá Meistaradeildarsæti þegar fimm umferðir eru eftir.
