Tónlistarkonan Laufey Lín Jónsdóttir er andlit kínverska teframleiðandans Chagee í nýrri herferð þeirra sem heitir A Sip Of Time. Samstarfið kynnir einnig nýjan drykk, Camellia Oolong Milk Tea, ásamt vörum sem eru til sölu í takmarkaðan tíma, meðal annars prjónaðar töskur og mjúkdýr.

Í herferðinni er Laufey sögð vera vinur Chagee (e. friend of Chagee) og er lögð áhersla á að tengja saman nútímalega temenningu og tónlist með því markmiði að hægja á tímanum í hraða nútímans. Hluti af herferðinni er stuttmynd sem fylgir Laufeyog hesti eftir frá Los Angeles yfir á jazz-svið og til teakranna í Yunnan. Undir hljómar tónlist Laufeyjar.

Chagee var stofnað árið 2017 og rekur um sjö þúsund sölustaði í yfir 100 löndum samkvæmt heimasíðu þess, en aðallega í Asíu.