Manchester United mætir Everton eftir viku eftir 13 daga hlé og vonast til að komast aftur á sigurbraut.

Undir stjórn Michael Carrick vann United fjóra leiki í röð áður en liðið gerði 1-1 jafntefli við West Ham. Liðið er sem stendur í fjórða sæti deildarinnar.

Enskir miðlar tóku saman stöðuna á þremur meiddum leikmönnum United og horfðu í hvenær þeir sneru aftur.

Þar segir að Mason Mount, sem missti af síðustu þremur leikjum vegna minniháttar meiðsla sem hann varð fyrir á æfingu, ætti að vera klár í slaginn gegn Everton.

Patrick Dorgu tognaði aftan í læri gegn Arsenal og eru meiðslin alvarlegri en talið var í fyrstu. Verður hann frá fram í apríl að öllum líkindum.

Loks hefur Matthijs de Ligt ekki spilað í þrjá mánuði vegna bakmeiðsla, en búast má við honum í næsta mánuði.