Forráðamönnum Union Berlin var brugðið eftir að þeim bauðst að semja við Raheem Sterling á dögunum.

Sterling rifti samningi sínum við Chelsea á dögunum, en hann var launahæsti leikmaður félagsins en algjörlega úti í kuldanum.

Enski kantmaðurinn hefur síðan verið orðaður við félög á borð við West Ham, Fulham, Crystal Palace og Tottenham, en hefur enn ekki fundið sér nýtt félag.

Sterliing var sem fyrr segir boðinn til Union Berlin, en var það engan veginn raunhæft fyrir félagið að ráða við þann samning sem kappinn vildi. Stjórnarformaður félagsins segist hreinlega hafa þurft að nudda augun til að athuga hvort hann væri að sjá rétt, eins og hann sagði sjálfur.

Sterling á að baki langan og farsælan feril, einkum með Manchester City, þar sem hann vann meðal annars fjóra Englandsmeistaratitla.