Tottenham og Manchester United hafa haft samband við Xavi Hernández, fyrrverandi knattspyrnustjóra Barcelona, samkvæmt spænskum fjölmiðlum.

Xavi, sem stýrði Barcelona á síðustu árum og vann m.a. spænska meistaratitilinn með félaginu, er nú án félags eftir að hann lét af störfum hjá uppeldisfélagi sínu.

Nú virðast ensk stórlið fylgjast grannt með stöðu hans og kanna möguleikann á að fá hann til starfa í úrvalsdeildinni. Michael Carrick stýrir United út tímabilið og Tottenham íhugar alvarlega að reka Thomas Frank úr starfi.

Bæði Tottenham og Manchester United eru í leit að langtímalausn í stjórastöðunni, eða að minnsta kosti að kanna alla möguleika eftir óstöðugleika á síðustu misserum. Xavi er talinn spennandi kostur vegna skýrrar hugmyndafræði sinnar, áherslu á sóknarsinnaðan leik og reynslu af því að stýra stórum leikmannahópi undir miklum þrýstingi.

Engar formlegar viðræður hafa verið staðfestar enn sem komið er, en áhuginn er sagður raunverulegur og gæti þróast frekar á næstu vikum.