A landslið karla er komið saman til æfinga fyrir komandi leiki við Aserbaísjan og Frakkland. Um er að ræða fyrstu leikina í undankeppni HM 2026.

Íslenska liðið mætir Aserum á Laugardalsvelli á föstudag og leikur síðan gegn Frökkum á Parc des Princes í París á þriðjudag í næstu viku.

Andri Lucas Guðjohnsen nýr framherji Blackburn og Daníel Tristan Guðjohnsen framherji Malmö æfðu í fyrsta sinn saman með landsliðinu í gær. Daníel er 19 ára gamall og er í fyrsta sinn í landsliðshópnum.

Enn er hægt að kaupa mótsmiða sem gildir á alla heimaleiki Íslands í undankeppni HM 2026. Einnig er opið fyrir sölu aðgöngumiða á leikinn við Aserbaísjan eingöngu.

Sala aðgöngumiða á leikinn við Frakkland fer í gengum miðasöluvef franska knattspyrnusambandsins. Sjá nánar hér.