Trent Alexander-Arnold nýtur lífsins í botn fyrstu dagana hjá Real Madrid eftir skiptin frá Liverpool á frjálsri sölu. Hann segir mikinn mun á æfingum liðanna.
„Það eru mikil gæði og boltinn hreyfist hratt. Þetta klárlega mjög frábrugðið því sem ég er vanur þegar kemur að leikmönnum og hvernig er spilað en ég nýt breytinganna,“ segir Trent.
Hann er þá þakklátur fyrir hvernig nýir liðsfélagar hans á Spáni hafa tekið á móti honum.
„Ég get ekki talað nógu mikið um hvernig leikmennirnir hafa tekið á móti mér og látið mér líða eins og heima hjá mér. Þeir leggja sig fram um að spjalla og svara öllum mínum spurningum.“
Trent og Real Madrid undirbúa sig nú fyrir sinn fyrsta leik á HM félagsliða gegn Al-Hilal annað kvöld.
