James Milner mun spila í ensku úrvalsdeildinni á næsta ári sem þýðir að hann verður leikmaður í bestu deild heims fertugur að aldri.

Milner er leikmaður Brighton en hann hefur krotað undir nýjan eins árs samning við félagið til sumarsins 2026.

Milner gæti orðið leikjahæsti leikmaður í sögu úrvalsdeildarinnar á næsta ári en hann er 16 leikjum frá meti Gareth Barry sem spilaði 654 leiki á sínum tíma sem leikmaður.

Englendingurinn spilaði aðeins fjóra leiki á síðustu leiktíð en það var vegna meiðsla – hann fær nú annað tækifæri á að bæta metið.

Milner á að baki marga leiki fyrir stórlið á borð við Manchester City og Liverpool en kom til Brighton 2023.