Í leik KR og Gróttu í gær í Lengjudeild kvenna kom Karen Guðmundsdóttir (2003) inn á í sínum fyrsta leik fyrir KR. Þetta kemur fram á vef KR.
Eftir að Karen kom inn á voru allar þrjár dætur Guðmundar Benediktssonar og Kristbjargar Ingadóttur, fyrrum leikmanna KR inn á vellinum en systur Karenar eru þær Katla (2007) og Kara (2010) Guðmundsdætur.
„Þetta var vonandi fyrsti leikur af mörgum hjá þeim systrum saman,“ segir á vef KR.
Nú hefur öll fjölskyldan spilað meistaraflokksleik fyrir félagið en bróðir stelpnanna er landsliðsmaðurinn Albert Guðmundsson. Hann var mættur að horfa á leikinn í gær
Karen var að spila sinn fyrsta fótboltaleik í langan tíma vegna erfiðra meiðsla eftir fótbrot árið 2019!! Það er því risastór persónulegur sigur fyrir Karen að vera mætt aftur á völlinn sem og KR að fá hana í sínar raðir þar sem hennar knattspyrnuferill hefur hingað til verið allur í Val.
