CNN í Portúgal segir frá því að umboðsmaður Viktor Gyokeres hafi í dag fundað með Arsenal og að sænski framherjinn vilji fara þangað.
Gyokeres hefur mest verið orðaður við Manchester United síðustu daga.
Svo virðist sem Arsenal sé nú líklegasti áfangastaður hans og segir CNN að Gyokeres vilji helst fara þangað.
Gyokeres hefur raðað inn mörkum hjá Sporting LIsbon og vill burt í sumar en Juventus og fleiri lið hafa einnig verið nefnd til sögunnar.
Gyokeres er 27 ára gamall en lék áður með Coventry í næst efstu deild Englands þar sem hann gerði einnig vel.
