Morgan Rogers, leikmaður Aston Villa, er sagður vera á óskalista Arsenal fyrir næsta tímabil en þetta kemur fram í the Times.

Rogers er einn af lykilmönnum Villa en hann er 22 ára gamall og er ekki til sölu nema fyrir hárrétt verð í sumar.

Rogers getur spilað á miðjunni og einnig leyst stöður framar á vellinum en hann er bundinn Villa til ársins 2030.

Arsenal gæti þurft að borga allt að 70 milljónir punda fyrir Rogers sem gerir sér vonir um að spila á HM með Englandi á næsta ári.

Hvort Rogers vilji færa sig til Arsenal er ekki víst en hann er einn af launahæstu leikmönnum Villa í dag og fær mikið að spila.