ÍR er komið á toppinn í Lengjudeild karla eftir leik við Þrótt sem fór fram í kvöld en heil umferð var spiluð fyrir utan einn leik.

ÍR hefur byrjað mótið af miklum krafti og eftir 2-1 sigur á Þrótturum er liðið með 14 stig í efsta sæti eftir sex leiki.

Njarðvík væri á toppnum á markatölu hefði liðið unnið Fjölni á sama tíma en þeim leik lauk með 1-1 jafntefli.

Selfoss er eina sigurlausa lið deildarinnar en liðið mætti HK í kvöld og tapaði sannfærandi 4-1 í Kópavogi.

Völsungur vann óvæntasta sigur umferðarinnar en liðið fór til Akureyrar og vann Þór með þremur mörkum gegn einu.

Fylkir og Leiknir áttust þá við í Árbænum þar sem Leiknismenn unnu mjög óvæntan 2-1 sigur.