Rúnar Kárason, fyrrverandi landsliðsmaður og einn besti leikmaður Íslandsmeistaraliðs Fram í handbolta, var gestur Helga Fannars og Hrafnkels Freys í nýjasta þætti af Íþróttavikunni.

Íslandsmeistarar Breiðabliks hafa tapað tveimur leikjum í röð í Bestu deild karla og þóttu ekki sannfærandi fram að því.

„Þú ert að draga úr þessu með því að segja að menn hafi smá áhyggjur,“ sagði Hrafnkell í þættinum eftir að Helgi hóf umræðu um stöðu Blika.

Blikar eru í þriðja sæti, nú 4 stigum á eftir toppliði Víkings.

„Það hefur enginn sigur í sumar verið sannfærandi. Þetta hafa bara verið hark sigrar eða bara bras og töp,“ sagði Hrafnkell enn fremur.