Dolores Rós Valencia hefur verið ráðin forstöðumaður fjar- og vettvangsþjónustu hjá OK.

Dolores var áður verkefnastjóri hjá Ljósleiðaranum þar sem hún leiddi þróun og framkvæmd verkefna með áherslu á ferlaumbætur, samvinnu við hagaðila og framvindueftirlit. Þar áður starfaði hún sem Service & Operational Manager á Retreat Hotel hjá Bláa Lóninu þar sem hún hafði yfirumsjón með daglegum rekstri, þjónustugæðum og teymisstjórnun. Dolores hefur lokið námi í APME verkefnastjórnun frá Opna háskólanum og hlotið C-vottun frá Verkefnastjórnunarfélagi Íslands.

Sem forstöðumaður fjar- og vettvangsþjónustu hjá OK ber Dolores ábyrgð á daglegum rekstri þessarar þjónustu. Hún leiðir teymi þjónustufulltrúa, sinnir verkefnastýringu, vaktaskipulagi og vinnustundum ásamt því að taka þátt í stefnumótun þjónustunnar og þróun á þjónustustefnu fyrirtækisins. Dolores er í stjórnendateymi Skýja- og rekstrarþjónustu OK.

,,Ég er mjög spennt að leiða frábært teymi sem sinnir bæði fjar- og vettvangsþjónustu við viðskiptavini okkar. Ég legg áherslu á að byggja upp framúrskarandi og faglega þjónustu sem er persónulega sniðin að þeirra þörfum. Ég vil jafnframt styðja teymið mitt til að vaxa í starfi og skapa gott vinnuumhverfi. Þá hlakka ég til að þróa áfram skýra ferla og vönduð vinnubrögð sem styðja við góða upplifun viðskiptavina,“ segir Dolores.