
Tom Heaton hefur skrifað undir nýjan eins árs samning við Manchester United.
Markvörðurinn, sem er orðinn fertugur, hefur aðeins spilað þrjá leiki síðan hann sneri aftur til félagsins árið 2021 en er talinn afar mikilvægur í klefanum.
Heaton er meðal leiðtoga leikmannahópsins og hefur meðal annars hjálpað unga markverðinum Senne Lammens að aðlagast hjá félaginu.
„Það er mikill heiður að fá að halda áfram að spila fyrir Manchester United,“ sagði Heaton eftir undirritunina.
Jason Wilcox, yfirmaður knattspyrnumála hjá United, hrósaði einnig fagmennsku markvarðarins og sagði reynslu hans dýrmæta.
United gæti þó enn sótt sér nýjan varamarkvörð í sumar þar sem bæði Altay Bayindir og Andre Onana eru orðaðir við brottför.
✍️ @TomHeatonGK has signed a new one-year contract at United!
— Manchester United (@ManUtd) June 4, 2026