Arnar Freyr Ólafsson, markvörður KR, stefnir að því að snúa aftur á völlinn fyrir lok tímabils.

Arnar sleit sin í hné á upphafsmínútum fyrsta leiks Bestu deildarinnar við Keflavík um síðustu helgi og var óttast að tímabili hans væri lokið.

Hann ræddi málið við Sýn og þar kemur fram að hann verði líklega frá í fjóra mánuði.

„Þetta er leikstíll sem mér hefur alltaf langað að spila. Það er alveg gul­rót að koma til baka eins fljótt og maður getur til þess að fá að spila þennan fót­bolta aftur. Svo erum við með geggjað lið. Maður vill taka eins mikinn þátt í þessu og maður getur.

Fyrst þegar að þetta gerist er þetta alveg erfitt. Maður verður til­finningaríkur en þegar maður er farinn að hugsa meira út í þetta þá horfi ég bara á þetta þannig að ég get ekki breytt þessu. Ég reyni bara frekar að komast í gegnum þetta. Það er ekkert sem ég get gert til að snúa þessu við,“ segir Arnar við Sýn.

Halldór Snær Georgsson kom inn í mark KR í stað Arnars.