Víkingurinn Tómas Guðmundsson og Blikinn Kristján Óli Sigurðsson voru gestir Helga Fannars í nýjasta þætti af Íþróttavikunni í tilefni að því að Besta deildin er farin að rúlla.

Kristján hrósaði PSG í þættinum og telur hann að liðið sé komið á skrið í Meistaradeildinni, rétt eins og það gerði síðasta vor þegar það vann keppnina.

„Þetta er fótboltalið sem mann langar að sjá í úrslitaleik Meistaradeildarinnar, ekki eitthvað lið sem pakkar í vörn og treystir á löng innköst og hornspyrnur,“ sagði Kristján og skaut þarna klárlega á Helga, sem styður Arsenal.

„Ertu að skjóta í einhverja ákveðna átt?“ grínaðist þáttastjórnandinn.

„Þú veist nákvæmlega hvernig þetta er, þú hlýtur að hafa sofnað yfir einhverjum 10-15 Arsenal leikjum í vetur ef ég þekki þig rétt,“ svaraði Kristján um hæl.

„En svo kemur sigurmarkið alltaf og það er gaman að vinna,“ sagði Helgi þá.

PSG er 2-0 yfir í einvíginu sínu gegn Liverpool í 8-liða úrslitum eftir fyrri leikinn og gæti það forskot hæglega verið stærra.

„Það yrði áhugavert að sjá hvernig Arsenal myndi bæta þeim, hvort það yrði eins og Liverpool, ég held samt að Arsenal séu aðeins harðari,“ sagði Tómas.

Nánar í spilaranum.