Það var mikill hiti í leik Stjörnunnar og HK í Lengjubikar karla um helgina.

Stjarnan vann leikinn 6-1, þar sem Haukur Örn Brink skoraði þrennu. Atvik í leiknum hefur hins vegar vakið athygli, þar sem Samúel Kári Friðjónsson í liði Stjörnunnar virðist segja eitthvað sem reitir Dominic Radic í liði HK til reiði.

Hvað ætli Samúel Kári hafi sagt við Dominik Radic sem reitti hann svona til reiðis? pic.twitter.com/ukWE8oDzZW

— Börkur (@Brkur3) February 28, 2026

Myndband af þessu birtist á samfélagsmiðlinum X og var það einnig til umræðu í hlaðvarpinu Dr. Football.

„Það var rosalegur hiti. Samúel Kári segir eitthvað við Dominik Radic og Dominik verður bara brjálaður. Ég veit ekkert hvað var sagt þarna. Það tók smá tíma að róa mannskapinn niður,“ sagði þáttstjórnandinn Hjörvar Hafliðason þar.

Sjón er sögu ríkari, myndbandið er hér að ofan.