David de Gea sendi kollega sínum, markverðinum Antonin Kinsky, skilaboð þar sem hann studdi kappann eftir erfiða frumraun hans Meistaradeildinni.
Igor Tudor, bráðabirgðastjóri Tottenham, ákvað að byrja með Kinsky í markinu gegn Atletico Madrid í stað Guglielmo Vicario, en leikurinn fór illa af stað fyrir tékkneska markvörðinn.
Heimamenn komust í 3-0 forystu á fyrstu 15 mínútunum og átti Kinsky sök í tveimur þeirra. Var hann tekinn af velli eftir aðeins 17 mínútna leik í kjölfarið, fyrir Vicario.
„Enginn sem hefur ekki verið markvörður skilur hversu erfitt þetta hlutverk er. Haltu höfðinu hátt og þú munt fá annað tækifæri,“ skrifaði De Gea, fyrrum markvörður Manchester United sem í dag spilar fyrir Fiorentina.
Fjöldi fólks, markmenn og aðrir, taka undir með De Gea. Rúnar Alex Rúnarsson, markvörður FCK, er til að mynda búinn að deila skilaboðum Spánverjans. Paul Robinson, fyrrum markvörður Tottenham, kom honum einnig til varnar á BBC.
