
KSÍ fundaði með fulltrúum félaga í Bestu deild karla á dögunum um framtíð Lengjubikarsins.
Þetta kemur fram í fundargerð frá fundi stjórnar KSÍ. Lengjubikarinn hefur mikið verið milli tannanna á fólki síðustu ár. Vægi hans virðist fara minnkandi í augum félaganna.
Fulltrúar tíu félaga af tólf mættu á fundinn og gott samtal átti sér stað, ef marka má fundargerðina. Óskað var eftir erindum frá þessum félögum um málið og fundað verður að nýju með öllum
félögum í deildinni.
Í framhaldinu verður boðað til funda með fulltrúum félaga í öðrum deildum.