Newcastle United er tilbúið að skoða möguleikann á að selja Yoane Wissa í sumar, þrátt fyrir að aðeins sé tæpt ár síðan félagið keypti framherjann. Athletic segir frá.

Wissa, sem er 29 ára landsliðsmaður DR Kongó, gekk til liðs við Newcastle fyrir allt að 55 milljónir punda en framtíð hans hjá félaginu virðist nú óviss.

Samkvæmt heimildum eru forráðamenn Newcastle reiðubúnir að hlusta á tilboð í leikmanninn ef rétt verð fæst. Það myndi teljast nokkuð óvænt þróun miðað við að félagið fjárfesti verulega í honum fyrir skömmu.

Ekki hefur komið fram hvaða félög hafa áhuga á framherjanum, en ljóst er að Newcastle íhugar breytingar á leikmannahópnum fyrir næsta tímabil.

Wissa gæti því verið á förum frá St James’ Park fyrr en margir áttu von á.