Rio Ferdinand og stuðningsmaður Manchester United, Mark Goldbridge, tókust á á samfélagsmiðlum eftir sigur United á Chelsea.
United vann 1-0 á Stamford Bridge þar sem Matheus Cunha skoraði sigurmarkið. Sigurinn styrkti stöðu liðsins í baráttunni um Meistaradeildarsæti.
Eftir leikinn sagði Ferdinand að Michael Carrick ætti að fá starfið til frambúðar hjá United. Hann taldi fáa raunhæfa valkosti á markaðnum og að Carrick hefði sýnt sig og sannað.
Michael Carrick has to get the job, who else? pic.twitter.com/6Nv7vTykMG
— Rio Ferdinand Presents (@RioMeets) April 19, 2026
Goldbridge var ósammála og lét Ferdinand heyra það í athugasemdum. „Sagðir ekkert eftir Leeds. Hættu þessu,“ skrifaði hann.
Ferdinand svaraði fljótt og þannig blossaði upp orðaskipti þeirra á milli.
Umræðan endurspeglar skiptar skoðanir meðal stuðningsmanna um framtíð stjórastöðunnar hjá Manchester United, þar sem Carrick hefur verið við stjórnvölinn til bráðabirgða.
