Afar ólíklegt er að Liverpool fái Michael Olise til að fylla skarð Mohamed Salah í sumar, en hann hefur verið orðaður við félagið.
Football Insider segir frá þessu, en Olise hefur slegið í gegn með Bayern Munchen frá því hann gekk í raðir félagsins frá Crystal Palace 2024.
Frakkinn hefur verið nefndur sem draumaarftaki Salah, sem fer frá Liverpool í sumar eftir mögnuð níu ár. Bayern er þó alls ekki til í að sleppa honum.
Olise er samningsbundinn þýska stórliðinu til 2029 og þyrfti Liverpool að slá félagsmet sitt til að kaupa hann.
