Bróðir Milos Kerke, Marko, virtist staðfesta að kappinn væri á leið til Liverpool á Instagram.

Kerkez er sagður á leið til Liverpool fyrir 45 milljónir punda og mun Ungverjinn að öllum líkindum taka stöðu Andy Robertson, sem verulega er farið að hægjast á og er sennilega á förum til Atletico Madrid.

Bróðir hans hefur nú deilt færslu á Instagram þar sem birt er mynd af Kerkez og sagt að hann sé nýjasti leikmaður Liverpool. Það virðist því allt vera klappað og klárt, en Kerkez yfirgaf ungverska landsliðið á dögunum til að sinna persónulegum málum, eins og það var orðað.

Bournemouth hefur þegar selt miðvörðinn Dean Huijsen til Real Madrid fyrir 50 milljónir punda. Þá er annar miðvörður, Ilya Zabarny, nú sterklega orðaður við Real Madrid. Félagið fær því vel í kassann fyrir alla þessa menn og er að tryggja sér Adrien Tuffert frá Rennes til að leysa af Kerkez.