Jón Þór Hauksson, þjáfari karlaliðs ÍA, viðurkenndi að hann hefði áhyggjur af sinni stöðu og liðsins eftir tap gegn Aftureldingu í Bestu deildinni í gær.

Nýliðarnir unnu leikinn 4-1. Þetta var áttunda tap Skagamanna í ellefu leikjum deildarinnar það sem af er. Liðið er á botninum með níu stig.

„Staðan er ekki góð, það er bara svoleiðis,“ sagði Jón Þór við SÝN Sport eftir leik. Var hann í kjölfarið spurður að því hvort hann hefði áhyggjur af þjálfarastól sínum á Skaganum.

„Að sjálfsögðu. Á meðan við komum okkur ekki í betri stöðu í töflunni hef ég það. En ég hef bara allt of margar aðrar áhyggjur til að vera að pæla í því.

Það er klárt að við þurfum að endurstilla okkur. Það þarf allt of lítið að gerast til að liðið brotni. Þetta er aldrei 3,4-1 leikur,“ sagði hann.