Antonio Conte, stjóri Napoli, er orðinn verulega pirraður á því að vera orðaður við endurkomu til Juventus.

Conte vann deildina með Napoli á nýliðnu tímabili en líkur eru á því að hann muni halda annað í sumar.

Conte útilokar ekki að yfirgefa Napoli en harðneitar því að hann sé búinn að ná samkomulagi við annað félag.

Ítalinn gerði flotta hluti með Juventus á sínum tíma og hefur félagið mikinn áhuga á að fá hann aftur til starfa fyrir næsta vetur.

,,Það sem fer í taugarnar á mér er að mánuði eftir að tímabilið klárast þá er talað um að ég sé á leið til Juventus, að ég sé á förum frá Napoli,“ sagði Conte.

,,Ég hef alls ekki náð samkomulagi við Juentus. Ég hef sagt það sama við öll þau félög sem hafa haft samband; ég ræði ekki við neinn þar til ég ræði við forsetann De Laurentiis.“