Tvenna frá Patirck Pedersen dugði ekki til í kvöld er Valur heimsótti Stjörnuna í Bestu deild karla.
Patrick tókst að skora tvö mörk fyrir gestina í fjörugum leik þar sem rautt spjald fór á loft á 78. mínútu.
Valsmenn enduðu leikinn manni færri en Bjarni Mark Antonsson var sendur í sturtu í stöðunnu 3-2.
Það voru einmitt lokatölur en þeir Jóhann Árni Gunnarsson, Emil Atlason og Guðmundur Baldvin Nökkvason gerðu mörk Stjörnunnar.
Stjarnan er nú stigi á eftir Val í deildinni og situr í fjórða sætinu.
