Fyrsta leik dagsins í Bestu deild karla er nú lokið en KR fékk þar Vestra í heimsókn klukkan 14:00.
Leikið var á AVIS vellinum en Vestri er það lið sem hefur komið langmest á óvart á þessu tímabili.
Vestri var fyrir leik í öðru sæti með 16 stig eftir níu leiki en KR var í því níunda með tíu stig.
Vestri komst yfir í leiknum í dag en Daði Berg Jónsson hefur spilað frábærlega í sumar og skoraði eftir 41. mínútu.
Þannig var staðan þar til á 76. mínútu en Eiður Gauti Sæbjörnsson jafnaði þá metin fyrir KR með skoti af stuttu færi innan teigs.
Atli Hrafn Andrason sá svo um að tryggja KR frábæran sigur með marki undir lok leiks og skilaði gríðarlega mikilvægum stigum í hús.
