Lionel Messi greindist með Covid-19 á fyrsta degi ársins eftir jólafrí í Argentínu og staðfesti PSG það nokkrum dögum síðar.
Messi er nú mættur aftur til æfinga hjá franska liðinu en er þó ekki alveg búinn að jafna sig en hann greindi frá þessu á Instagram síðu sinni.
„Eins og þið vitið fékk ég COVID og ég vildi þakka ykkur fyrir skilaboðin sem ég fékk og segja ykkur að það tók mig lengri tíma að jafna mig en ég hélt. Ég er þó næstum orðinn eins og ég á að mér að vera og hlakka mikið til að komast aftur á völlinn.“
„Ég hef verið að æfa síðustu daga til að verða 100%. Ég vona að við sjáumst á vellinum mjög fljótlega,“ sagði Messi á Instagram.
Leo Messi says he's almost recovered from COVID-19. pic.twitter.com/7PapcuEE1w
— ESPN FC (@ESPNFC) January 13, 2022