fbpx
Fimmtudagur 20.janúar 2022
433Sport

Meistaradeild Evrópu: Ronaldo kom Man Utd til bjargar – Sjáðu öll úrslit kvöldsins

Helgi Sigurðsson
Þriðjudaginn 2. nóvember 2021 22:03

Cristiano Ronaldo er magnaður. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Sex leikjum er nýlokið í riðlakeppni Meistaradeildar Evrópu. Leikið var í riðlum E-H.

E-riðill

Bayern Munchen 5-2 Benfica

Bayern Munchen vann Benfica á heimavelli í miklum markaleik.

Robert Lewandowski kom þeim yfir á 26. mínútu. Serge Gnabry tvöfaldaði forystuna stuttu síðar. Áður en fyrri hálfleik lauk tókst Morato svo að minnka muninn fyrir Benfica. Lewandowski fékk tækifæri til að skora þriðja mark Bayern skömmu fyrir leikhlé en klúðraði þá af vítapunktinum.

Heimamenn gerðu út um leikinn á fyrsta stundarfjórðungi seinni hálfleiks með mörkum frá Leroy Sane og Lewandowski. Darwin Nunez lagaði stöðuna fyrir Benfica á 74. mínútu. Lewandowski fullkomnaði svo þrennu sína þegar hann innsiglaði 5-2 sigur Bayern tíu mínútum síðar.

Dynamo Kyiv 0-1 Barcelona

Barcelona tók öll stigin með sér frá Úkraínu eftir sigur a Dynamo Kyiv.

Ansu Fati gerði eina mark leiksins á 70. mínútu.

1. Bayern – 12 stig

2. Barcelona – 6 stig

3. Benfica – 4 stig

4. Dynamo – 1 stig

F-riðill

Atalanta 2-2 Man Utd

Cristiano Ronaldo kom Manchester United til bjargar er liðið gerði jafntefli við Atalanta á Ítalíu.

Man Utd átti fremur slakan fyrri hálfleik en fékk þó fyrsta færi leiksins þegar skot Scott McTominay fór af leikmanni Atalanta og í stöngina.

Það voru hins vegar heimamenn sem komust yfir með marki frá Josip Ilisic á 12. mínútu. David De Gea átti að gera betur í markinu.

Gestirnir sóttu aðeins í sig veðrið á lokamínútum fyrri hálfleiks. Endaði það með því að Ronaldo jafnaði leikinn eftir frábæran samleik með Bruno Fernandes. Sá síðarnefndi gaf stoðsendingu með hælnum.

Duvan Zapata kom Atalanta aftur yfir á 56. mínútu. Þá slapp hann í gegn þegar varnarmenn Man Utd gleymdu sér og afgreiddi boltann listilega í markið.

Það stefndi í sigur heimamanna þegar Ronaldo steig upp og tryggði Man Utd 2-2 jafntefli með frábæru marki.

Villarreal 2-0 Young Boys

Etienne Capoue kom Villarreal yfir á 36. mínútu gegn Young Boys. Arnaut Danjuma innsiglaði svo 2-0 sigur þeirra á lok leiks.

1. Man Utd – 7 stig

2. Villarreal – 7 stig

3. Atalanta – 5 stig

4. Young Boys – 3 stig

G-riðill

Sevilla 1-2 Lille

Lucas Ocampos kom Sevilla yfir gegn Lille á 15. mínútu. Jonathan David jafnaði metin með marki af vítapunktinum á 43. mínútu.

Jonathan Ikone gerði svo sigurmark gestanna frá Frakklandi snemma í seinni hálfleik.

1. Salzburg – 7 stig

2. Lille – 5 stig

3. Wolfsburg – 5

4. Sevilla – 3 stig

H-riðill

Juventus 4-2 Zenit

Juventus vann Zenit í markaleik. Paulo Dybala kom þeim yfir á 11. mínútu. Leonardo Bunucci skoraði svo sjálfsmark á 26. mínútu og staðan orðin jöfn.

Á 58. mínútu kom Dybala Juve aftur yfir. Federico Chiesa gerði svo þriðja mark þeirra á 73. mínútu. Alvaro Morata gerði endanlega út um leikinn á 82. mínútu.

Sardar Azmoun minnkaði muninn fyrir Zenit í lok leiks. Lokatölur 2-2.

1. Juventus – 12 stig

2. Chelsea – 9 stig

3. Zenit – 3 stig

4. Malmö  -0 stig

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 15 klukkutímum

Gerrard hefur átt samtal við Suarez sem íhugar að ganga til liðs við Aston Villa

Gerrard hefur átt samtal við Suarez sem íhugar að ganga til liðs við Aston Villa
433Sport
Fyrir 16 klukkutímum

Xavi segir Dembele þurfa að skrifa undir nýjan samning annars verði hann seldur í janúar

Xavi segir Dembele þurfa að skrifa undir nýjan samning annars verði hann seldur í janúar
433Sport
Fyrir 18 klukkutímum

Settir í átta ára bann eftir að hafa sungið níðsöngva um Hillsborough slysi

Settir í átta ára bann eftir að hafa sungið níðsöngva um Hillsborough slysi
433Sport
Fyrir 19 klukkutímum

Gefur lítið fyrir afsakanir Tuchel um að leikmenn Chelsea séu þreyttir

Gefur lítið fyrir afsakanir Tuchel um að leikmenn Chelsea séu þreyttir
433Sport
Í gær

Fastagestur stuðningsmannarásar dæmdur í þriggja ára fangelsi – Sat fyrir um, réðst á og rændi fyrrum kærustu sinni

Fastagestur stuðningsmannarásar dæmdur í þriggja ára fangelsi – Sat fyrir um, réðst á og rændi fyrrum kærustu sinni
433Sport
Í gær

Wembley flutti stuðningsmönnum sínum sorgarfréttir

Wembley flutti stuðningsmönnum sínum sorgarfréttir
433Sport
Í gær

Ronaldo greinir frá markmiðum sínum fyrir næstu árin

Ronaldo greinir frá markmiðum sínum fyrir næstu árin
433Sport
Í gær

Davíð Snær á leið í Ítalíu ævintýri – Seldur frá Keflavík

Davíð Snær á leið í Ítalíu ævintýri – Seldur frá Keflavík