Uppselt er á leik Íslands og Þýskalands, en 1200 miðar á leikinn fóru í sölu á mánudag.
Leikurinn fer fram á Laugardalsvelli á morgun, þriðjudag, kl. 18:45 en búist er við um 3.600 áhorfendum á leikinn.
Ekki má selja fleiri miða vegna regluverks stjórnvalda í tengslum við COVID-19 veiruna. Eru takmarkanir á viðburðum utandyra með þeim hörðustu í Evrópu hér á landi.
Birkir Bjarnason og Birkir Már Sævarsson léku báðir sinn 100. A-landsleik þegar Ísland mætti Norður-Makedóníu á Laugardalsvelli á sunnudag. Af því tilefni verða þeir heiðraðir sérstaklega áður en þjóðsöngvarnir verða leiknir fyrir leikinn við Þýskaland á miðvikudag og vill KSÍ hvetja vallargesti til að mæta tímanlega og hylla leikmennina.
Birkir Bjarnason er fæddur árið 1988 er því 33 ára á þessu ári. Hans fyrsti A-landsleikur var vináttulandsleikur gegn Andorra árið 2010 og hefur hann skorað 14 mörk í leikjunum hundrað. Til viðbótar hefur Birkir leikið 46 leiki fyrir yngri landslið Íslands.
Birkir Már Sævarsson var á 23. aldursári þegar hann lék sinn fyrsta A-landsleik árið 2007, gegn Liechtenstein í undankeppni EM. Birkir, sem er fæddur 1984, verður 37 ára síðar á þessu ári og hefur skorað 3 mörk fyrir A landsliðið.