Mjög drungalegt atvik kom upp í leik Danmerkur og Finnlands á EM sem nú stendur yfir. Christian Eriksen féll til jarðar og það þurfti að beita skyndihjálp.
Það var lítið um að vera þegar Eriksen féll til jarðar og fljótt kom í ljós að um eitthvað alvarlegt væri að ræða. Sjúkrastarfsmenn mættu á staðinn og beittu hjartahnoði.
Það verður að teljast ólíklegt að leik verði haldið áfram. Knattspyrnuheimurinn biður fyrir Eriksen.
Þegar þetta er skrifað hefur töluverð töf orðið á leiknum. Leikmaðurinn hefur verið borinn af velli.
Meira verður skrifað um þetta mál um leið og frekari upplýsingar koma fram.