Belgía vann Rússland í B-riðli Evrópumótsins í leik sem er nýlokið. Leiktið var í Sankti Pétursborg.
Romelu Lukaku kom Belgum yfir á 10. mínútu. Hann slapp þá í gegn eftir slakan varnarleik Rússa og skoraði.
Thomas Meunier bætti við marki fyrir belgíska liðið á 34. mínútu. Markvörður Rússa, Anton Shunin, reyndi þá að koma boltanum frá marki en boltinn barst á Meunier sem skoraði. Staðan í hálfleik var 2-0.
Seinni hálfleikur var rólegur. Belgar virtust ætla að sigla 2-0 sigri heim þegar Lukaku bætti við öðru marki á 88. mínútu. Meunier stakk boltanum þá inn fyrir vörn Rússa þar sem Lukaku var mættur og afgreiddi boltann í markið. Lokatölur urðu 3-0.
Belgar og Finnar eru nú með þrjú stig í B-riðli. Danir og Rússar eru án stiga.
