Leikið var í enska deildarbikarnum í kvöld. Liverpool og Manchester City tryggðu sig áfram í 16-liða úrslit.
Liverpool heimsótti Lincoln City. Leiknum lauk með stórsigri Liverpool sem skoraði sjö mörk gegn tveimur mörkum Lincoln City. Kurtis Jones og Takumi Minamino skoruðu tvö mörk hvor fyrir Liverpool.
Manchester City tók á móti Bournemouth. City sigraði leikinn með tveimur mörkum gegn einu. Liam Delap og Sam Surridge skoruðu í fyrri hálfleik. Staðan var jöfn 1-1 þegar liðin gengu til búningsherbergja í hálfleik. Phil Foden skoraði sigurmark City á 75. mínútu.
Liverpool og Manchester City verða í eldlínunni í næstu viku þegar 16-liða úrslit verða spiluð. Liverpool spilar við Arsenal og Manchester City spilar við Burnley.
Lincoln City 2 – 7 Liverpool
0-1 Xherdan Shaqiri (9′)
0-2 Takumi Minamino (18′)
0-3 Curtis Jones (32′)
0-4 Curtis Jones (36′)
0-5 Takumi Minamino (46′)
1-5 Adetayo Edun (61′)
1-6 Marko Grujić (65′)
2-6 Lewis Montsma (67′)
2-7 Divock Origi (89′)
Manchester City 2 – 1 AFC Bournemouth
1-0 Liam Delap (18′)
1-1 Sam Surridge (22′)
2-1 Phil Foden (75′)
