Íslandsmótið í FIFA fer fram dagana 28. og 29. mars næstkomandi og verður það haldið í Smárabíói.
Dagsetningar mótsins voru valdar í samráði við FIFA vegna landsleikjadaga.
Spilað verður í FIFA Ultimate Team, og leikið „heima og heiman“ í hverri viðureign. Opnað hefur verið fyrir skráningu í mótið og er skráningarfrestur til 25. mars.
Nánar:
Spilað er FIFA ultimate team, sem er ríkjandi keppnisfyrirkomulag í heiminum, í tveggja manna liðum.
Hver viðureign er spiluð „heima og heiman” og samanstendur þannig af tveimur leikjum þar sem samanlögð markatala mun ráða úrslitum.
Mótið verður haldið í Smárabíói dagana 28. og 29. mars (tímasetningar auglýstar síðar). Frítt er inn fyrir áhorfendur og búið að koma upp skjám og áhorfendasvæði.
Spilaðir verða 3 leikir í einu (6 lið hvert með sína tölvu).
Leikir verða spilaðir samtímis þangað til 4 lið standa eftir. Þá verður keppt í undanúrslitum og úrslitaleikurinn verður svo í beinni útsendingu á visir.is.
Á mótasvæðinu verður hægt að skrá sig í innanfélagsmót hjá þeim félögum sem eru tilbúin að halda slík mót, einnig verður hægt að skrá sig í RÍSÍ og skemmta sér í leiktækjum á sértilboði.
Tilboð verða á veitingum á staðnum.
