KSÍ mun í dag staðfesta brottrekstur Jóns Þórs Haukssonar úr starfi landsliðsþjálfara kvenna. KSÍ hefur ákveðið að reka Jón Þór Hauksson úr starfi landsliðsþjálfara eftir atvikið í Ungverjalandi í síðustu viku. Atvik kom upp í fögnuði liðsins í Ungverjalandi í síðustu viku. Þjálfarinn, starfsfólk KSÍ og leikmenn voru þá að sletta úr klaufunum eftir að stelpurnar höfðu tryggt sig inn á Evrópumótið í Englandi.

Málið var til umræðu í Dr. Football hlaðvarpsþættinum í gær þar sem málið var krufið til mergjar.

„Það er ekkert nýtt í kvennalandsliðinu, það hefur verið farið á bak við þjálfarana. Þetta er bara skita hjá honum og hann veit það manna best,“ sagði Mikael um málið.

Hjörvar Hafliðason sagði að þjálfarinn yrði að hafa Söru Björk Gunnarsdóttur á sínu bandi ef hann ætlar að halda starfi, hún á stjarna liðsins.

„Þú ert með leikmann sem er stærri en sambandið. Þú ert með súperstjörnu í liðinu. Ef Sara er ekki sátt þá getur þú ekki verið landsliðsþjálfari, það er ekki flóknara en það. Hún er bara stærsti leikmaður liðsins,“ sagði Hjörvar.