fbpx
Fimmtudagur 26.nóvember 2020
433Sport

Reglur um samkomutakmarkanir mölbrotnar á Hlíðarenda í gær – Sjáðu myndskeiðið

Hörður Snævar Jónsson
Laugardaginn 31. október 2020 07:35

Ekki missa af Helstu tíðindum dagsins í pósthólfið þitt

Lesa nánar

Valur varð Íslandsmeistari í efstu deild karla í gær eftir að KSÍ ákvað að blása öll Íslandsmót af vegna kórónuveirunnar. Reglugerð sambandsins gaf KSÍ leyfi til að blása mótin af og krýna meistara og senda lið upp og niður um deildir þó ekki væri búið að ljúka mótinu.

Valur hafði mikla yfirburði í efstu deild karla í sumar undir stjórn Heimis Guðjónssonar sem var á sína fyrsta ári með liðið.

Valsmenn fögnuðu vel og mikið í Fjósinu, samkomustað á Hlíðarenda í gærkvöld eftir að Guðni Bergsson formaður KSÍ og stjórn KSÍ tók þá ákvörðun að láta gott heita. Hertar reglur tóku gildi á landinu öllu í dag en þegar Valsmenn fögnuðu í gær voru þessar reglur í gangi.

„Í takmörkun á samkomum felst að fjöldasamkomur eru óheimilar á gildistíma þessarar reglu­gerðar. Með fjöldasamkomum er átt við það þegar fleiri en 20 einstaklingar koma saman, hvort sem er í opinberum rýmum eða einkarýmum. Á samkomum, öllum vinnustöðum og í allri annarri starfsemi, meðal annars þeirri sem talin er upp í 3. gr., skal tryggja að hægt sé að hafa a.m.k. 2 metra á milli einstaklinga sem ekki eru í nánum tengslum,“ segir í reglunum.

Valsmenn fóru talsvert mikið á svig við þessar reglur í gær og deildu gleðinni með stuðningsmönnum liðsins í lokuðum Facebook hóp. Margir stuðningsmenn Vals hafa furðað sig á þessu og sendu ábendingar til blaðamanns.

Þannig voru talsvert fleiri en tuttugu í Fjósinu á Hlíðarenda og tveggja metra reglan var ekki virt. Þeir sem voru í gleðskapnum deildu myndum og myndbandi með stuðningsmönnum sínum.

„Samkomubann hvað?,“ skrifar Arnar Daði Arnarson þjálfari Gróttu í efstu deild karla í handbolta. Leikmenn Vals bera grímur á myndinni en á myndbandi sem birt var á meðal stuðningsmanna voru grímurnar geymdar í vasanum.

Hér má sjá myndbandið sem var deilt með stuðningsmönnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Diego Maradona látinn 60 ára að aldri

Diego Maradona látinn 60 ára að aldri
433Sport
Fyrir 17 klukkutímum

Vísa því á bug að Guðni og Borghildur hafi verið vanhæf

Vísa því á bug að Guðni og Borghildur hafi verið vanhæf
433Sport
Fyrir 21 klukkutímum

Ekki búist við öðru en að Rúnar Alex byrji hjá Arsenal á morgun

Ekki búist við öðru en að Rúnar Alex byrji hjá Arsenal á morgun
433Sport
Fyrir 21 klukkutímum

Haaland hefur skákað mörgum goðsögnum við aðeins tvítugur að aldri

Haaland hefur skákað mörgum goðsögnum við aðeins tvítugur að aldri