Ole Gunnar Solskjær stjóri Manchester United tók þá ákvörðun á síðasta ári að Romelu Lukaku væri ekki nógu öflugur í hans kerfi.
Lukaku var því seldur til Inter eftir tvö ár á Old Trafford, framherjinn frá Belgíu hafði raðað inn mörkum en leikstíll hans var ekki það sem Solskjær leitaðist eftir.
Síðan þá hefur Lukaku blómstrað með Inter auk þess að halda áfram að gera sitt með besta landsliði í heimi, Belgíu.
Ef tölfræði Lukaku er skoðuð eftir að hann fór frá United kemur í ljós að hann skorar meira en þeir sóknarmenn sem United hefur, hann skorar mark á 120 mínútna fresti.
Á sama tíma eru framherjar United að skora mark á um 150-160 mínútna fresti.
