Gary Neville, goðsögn Manchester United, er viss um að Mo Salah muni kveðja Liverpool fyrr frekar en seinna.
Salah hefur raðað inn mörkunum síðustu þrjú ár á Anfield en hann kom til félagsins frá Roma.
Neville telur að það styttist í að Salah sé að fara til Spánar.
,,Það er aldrei auðvelt að leysa svona leikmann af hólmi. Ég sagði fyrir 18 mánuðum að Salah myndi yfirgefa Liverpool,“ sagði Neville.
,,Ég held að það sé hluti af ástæðunni fyrir því að Salah fær ekki sömu ást frá stuðningsmönnunum.“
,,Ég held að þeir finni á sér að hann vilji fara til Real Madrid eða Barcelona, hann vill taka stóra skrefið.“