Mesut Özil, leikmaður Arsenal, gefur í skyn að hann vilji halda Freddie Ljungberg sem stjóra liðsins.
Arsenal vann 3-1 útisigur á West Ham í kvöld og var það fyrsti sigur Ljungberg í þremur leikjum við stjórnvölin.
,,Hann var knattspyrnumaður og hann skilur okkur leikmennina,“ sagði Özil.
,,Hann hefur nú þegar sýnt gæði sem stjóri og við erum þakklátir fyrir það að vera með hann.“
,,Dagurinn í dag var góður fyrir okkur og hann. Freddie er ungur stjóri og hann er alltaf til staðar fyrir okkur sem er eitthvað sem við þurfum.“
